ang tawag na aking hinihintay….
July 10, 2010byernes, ika-9 ng Hulyo, ngarag ang beauty ko dahil may hearing ako ng 10am, 2 cross examinations at may civil case ako na kailangan kong magpresent ng testigo for plaintiff’s evidence. natapos ang hearing ng bago mag-12 ng tanghali at pag-akyat ko sa opisina, gutom ang beauty ko..
pero isang note sa aking table ang nagpangiti sa akin. may interview ako sa PAO central office sa july 14, kailangan daw before 7:30am ay nandoon na ako dahil first come-first serve ito, kailangan din daw naka-dress code, meaning kulay blue ang dapat isuot, ang fave part ko sa note ay ito…”INTERVIEW FOR PROMOTION”! yes! sa wakas, nakonsider din ako for promotion. thank GOD!
bago pa ako nakareact ng husto, natanggap ko naman ang text ng aming acting admin officer sa PAO region office at sinabi din sa akin ang balita. syempre napasmile ang puso ko at naisip ko kaya pala walang advise tungkol sa renewal eh promotion pala ang darating. i’m praying and trusting GOD na tutulungan nya ako sa interview para matuloy na ang promotion ko. iniisip ko rin na sa dami ng Public Attorney I, yung maikonsider ka for promotion eh malaking bagay na at isang blessing na maituturing.
kaya ngayon panay ang basa ko sa Memorandum Circular 18 pati na rin ang amendments nito. panay ang kanta ko ng PAO hym dahil sabi ng isang nakausap kong kakapromote lang na PAO lawyer, talagang pinapakanta daw bago i-promote. kasama din sa paghahanda ko syempre ay ang pagdadasal sa ating Panginoon na bigyan nya ako ng guidance at wisdom upang mangyari ang kalooban nya sa akin. Alam naman NYA na isang malaking desire ng aking puso ang promotion na ito at ilang buwan ko rin itong ipinagdasal at hiniling sa KANYA.
answered prayer na naman. thank you LORD!
